Administrazio orokorreko teknikari plaza bat betetzeko deialdiaren oinarriak

Udal honetako funtzionarioen plantilan hutsik dagoen administrazio orokorreko teknikari plaza bat betetzeko frogak arautuko dituzten oinarri bereziak.

Administrazio Orokorreko Teknikari plaza bat betetzeko Oposizio -Lehiaketa libreko frogak arautuko dituzten oinarriak, 2006ko abenduaren 19ko 156/06 zenbakidun Alkatetzaren Dekretuz onartuak.

Lehena.- Deialdiaren xedea

Bigarrena.- Plazaren ezaugarriak.

Hirugarrena.- Izengaien baldintzak.

Laugarrena.- Instantzien aurkezpena.

Bosgarrena.- Izangaien onarpena.

Seigarrena.- Epaimahai Kalifikatzailea.

Zazpigarrena.- Oposizio atala.

Zortzigarrena.- Lehiaketa.

Bederatzigarrena.- Ariketen kalifikazio eta lehiaketa gainditu dutenen zerrenda.

Hamargarrena.- Agiriak aurkeztea.

Hamaikagarrena.- Praktiketako funtzionario izendatzea.

Hamabigarrena.- Praktika aldia.

Hamahirugarrena.- Karrerako funtzionario izendatzea.

Hamalaugarrena.- Gorabeherak.

Hamabostgarrena.- Gora jotzeak.

I. eranskina

II. eranskina

Lehena.- Deialdiaren xedea

Deialdiaren helburua hau da: Oposizio-Lehiaketa bidez Udal honetako funtzionarioen plantilan hutsik dagoen administrazio orokorreko teknikari plaza bat betetzea. Plaza hori, Administrazio orokorreko eskalan, azpi-eskala teknikoan, goi mailako teknikarien klasean , A sailkapen taldean kokatua dago.

Oposizioaldiko ariketa guztiak gainditzen dituzten, baina, plaza kopuruagatik, izendatu gabe geratzen diren izengaiek lan-poltsa osatuko dute, lortutako puntuazio-ordenaren arabera. Lan-poltsa hori aldi baterako premiak betetzeko erabiliko da.

Gora

Bigarrena.- Plazaren ezaugarriak.

Izena: Azpi-eskala Teknikoko Administrazio Orokorreko Teknikaria

Sailkapen taldea: A.

Lanpostu-mailako Osagarria: 30.

Berariazko Osagarria: 2.290,68 urtean.

Hizkuntza-eskakizuna: 4.

Derrigortasun data: 2004/04/02.

Lanaldi-erregimena: lanaldi jarraia.

Lekua: Udaletxea.

Egitekoak:

• Administrazio Orokorreko Teknikariei dagozkienak, hain zuzen ere diruzaintza arloan; goi-mailako administrazio izaerako kudeaketa, azterlan eta proposamen lanak egitea, Alkatetzak eta/edo Idazkaritzak, hala balegokio, agindutakoaz gain.
• Hasieran beteko duen lanpostuaren oinarrizko egitekoak, inolako izaera mugatzailerik gabe, honakoak dira, besteak beste:
• Aramaioko Udaleko kontuhartzailetza eta diruzaintza arloari dagozkionak.
• Errolda fiskalen kudeaketa. Zerga eta tasen kudeaketa eta kobrantza. Erreklamazioen kudeaketa.
• Uraren errolda. Argiaren errolda (Aramaioko Argindar Bana - tzailea, SAren bitartez).
• Idazkari-Kontuhartzailearekin lankidetzan jardun udal ordenantzen eta araubideen prestakuntzan.
• Gainbalioen espedienteen izapideak kontrolatu eta sustatu, eta bere kasuan gainbalioen espedienteen jarraipena eta artxiboa eraman.
• Eskatzen zaizkion dossierrrak, hainbat agiri, ziurtagiri, etab. egitea.
• Idazkariak edo ordezkatzen duen funtzionarioak eskatzen dizkion lanak egitea, dagokion eginkizunen eskuordetza betez.
• Bere lanbide eta lanpostuaren bere-bereak izanik, eskatzen zaion beste edozein lan.

Gora

Hirugarrena.- Izengaien baldintzak

Onartua izateko eta, hala balegokio, hautapen prozeduran parte hartzeko beharrezkoa izango da baldintza hauek betetzea:

a) Europar Batasuneko kide diren estatuetako baten herritartasuna izatea edo Europar Batasunak egindako eta Espainiako Estatuak berretsitako Nazioarteko ituenei jarraiki langileen zirkulazio askea aplikatzen zaion estaturen bateko herritarra izatea. Era berean, Europar Batasuneko partaide diren beste Estatuetako nazionalen ezkontideak aukeztu ahal izango dira, beti ere eskubidez berezita ez badaude, eta baita haien ondorengoak eta haien ezkontideenak ere, beti ere eskubidez berezita ez badaude, hogeita bat (21) urtetik beherakoak izan edo adin hori gaindituta izan eta horien kargura bizi badira.

b) 18 urte beteta edukitzea eta erretiratzeko adina gainditu gabe izatea.

c) Eskabideak aurkezteko epea amaitu aurretik Zuzenbidean, Zientzia Politiko, Ekonomiko edo Enpresaritzakoan, Merkataritza Intendente edo Aktuario titulua izatea edo lortzeko eskubideak ordainduak izatea.

d) Plaza honetarako eskaturiko 4 hizkuntza eskakizuna izatearen egiaztapena. Baldintza hau agiri bidez egiaztatu ahal izango da, edo oposaketa fasean horretarako egingo diren frogak gaindituz.

e) Bere lanean jardutea oztopatuko lioken gaixotasunik eta akats fisiko edo psikikorik ez izatea

f) Herri Administrazioko erakunde, entitate edo zentroren baten izandako zigor-espediente baten ondorioaz zerbitzutik kanpora ez botatakoa izatea; funtzio publikoan jarduteko gaitasun gabetzarik ez izatea.

g) Ezgaitasun kasutan sarturik ez egotea eta abenduaren 26ko 53/1984 eta apirilaren 30eko ED 598/85 legeak bateraezinezkotzat deklaraturiko jardueretan ez aritzea, ez egunean, ezta izendapenaren ondoren praktiketan nahiz, kasua balitz jabetzan. d) eta g) ataletan zehazten diren baldintza guztiak, eskabideak aurkezteko epea amaitzen denerako bete beharko dira, eta Udal honetako karrerako funtzionario lanpostuaz jabetu bitartean ere bai.

Gora

Laugarrena.- Instantzien aurkezpena.

Lehiaketa norgehiagokan parte hartzeko eskatuz beteko diren instantziak Aramaioko Udaleko Erregistro Orokorrean emango diren, eta III Eranskin gisa oinarri hauei atxikitzen zien eredu ofizial eta normalizatura lotuko dira.

Deialdian onartua izateko instantziak Aramaioko Alkate- Lehendakariari zuzenduko zaizkio, eta instantzia horiek onartuak izateko ondorengo baldintzak bete beharko dituzte:

a) Deialdiaren hirugarren oinarrian eskatzen diren baldintza guztiak betetzen dituztela azaldu beharko dute izangaiek. Baldintzok betetzeko epemuga instantzien aurkezpenarena izango da, d) eta g) ataletan adierazitakoa izan ezik.

b) Gainera, instantziari honako agiri hauek erantsiko zaizkio:

• NANren fotokopia.
• Deialdian parte hartzeko eskaturiko tituluaren fotokopia.
• 4 hizkuntza eskakizuna betetzen duela egiaztatzen duen agiriaren fotokopia, eskabideak aurkezteko datan frogatu baldin badu.
• Lehiaketa fasean balioztatzeko instantzian alegaturiko merituen egiaztagiriaren fotokopia.

Esperientzia gisa merituak alegaturiko kasuan, hauek ziurtagirien bidez behar bezala egiaztatuak beharko dute izan, eta garaturiko lanak, kontratu edo izendapen-mota, honen iraupena eta eginiko lanaldia, eta Gizarte Segurantzak luzaturiko laneko denbora aurkeztu beharko dira.

Ez dira meritu gisa balioztatuko Epaimahaiaren arabera behar bezala egiaztatzen ez diren merituak.

c) Instantziak Aramaioko Udaleko Bulego Orokorretan, Bizente Goikoetxea plaza 1, 01160 Aramaio (Araba), aurkeztuko dira behar bezala beteta, 20 lanegunen epe-barruan deialdiaren iragarpena Estatuko Aldizkari Ofizialean argitaratzen den hurrengo egunetik kontatzen hasita.

Eskaerak Herri Administrazioetako Araubide Juridikoaren eta Administrazio Prozedura Arrunta arautzen dituen 30/1992 Legean (azaroaren 26koa) 38.4 artikuluan zehazten diren Herri Admi - nistrazioetako erregistroetan eta dagokion Elkargo Profesionalaren idazkaritzan ere aukeztu ahal izango dira. Aramaioko Udaleko Alkate- Lehendakariari zuzenduko zaizkio eta dagokion funtzionarioak data eta zigilua jarri behar die eskaerak aurkezteko epearen barruan. Izangaiek hautaketa prozesuan emandako datu pertsonalek fitxategi automatizatua osatuko dute. Fitxategi honek hautaketa prozesua kudeatzea izango du helburu. Datuen jasotzailea Aramaioko Udala izango da. Datuen aurka egiteko, datuetara iristeko eta datu horiek zuzentzeko Aramaioko Udalera jo ahal izango da (Bizente Goikoetxea plaza 1, 01160 Aramaio). Izengaiek adostasuna erakutsi beharko dute eskabidean emandako datuen tratamendurako. Tratamendu honek, hautaketa prozesua kudeatu ahal izateko, izangaien izen abizenak, NAN zenbakia eta parte hatzen duteneko txanda (librea, barne sustapena edo elbarriak) argitaratzea ekarriko du. Adostasuna ez ematearen ondorioa, hautaketa prozesutik kanpo geratzea izango da. Era berean, azterketa egiteko moldaketa bereziak eskatzen dituzten izangaiek, moldaketa horiei dagozkien datuen tratamendurako adostasuna agertu beharko dute.

Gora

Bosgarrena.- Izangaien onarpena.

Eskaerak aurkezteko epea amaitutakoan, Alkate-Lehendakariak onartu eta baztertutako izangaien behin-behineko zerrenda onartuko du eta Arabako ALDIZKARI OFIZIALean, Aramaioko udaletxeko iragarki taulan eta Aramaioko Udalaren webgunean argitaratuko da (www.aramaio.org)

Berebat, aipatu ebazpen horretan Epaimahai Kalifikatzaileko titularrak eta ordezkariak izendatuko dira.

Aipatu zerrenda horretatik kanpo geratzen diren izengaiek 10 laneguneko epea izango dute Arabako ALDIZKARI OFIZIALean argitaratzen den hurrengo egunetik kontatzen hasita, kanporatzea eragin duten akatsak edota hutsegiteak konpontzeko. Erreklamaziorik aurkezten ez bada, behin behineko zerrenda behin betikotzat hartuko da automatikoki. Erreklamaziorik aurkezten bada, onartu edo atzera botako da, hala badagokio, aurrekoaren era berean argitara emango den behin betiko zerrenda onartzen deneko ebazpen berri batean. Jarraian, oposaketa fasearen lehenengo ariketaren data erabakiko da, hau Arabako ALDIZKARI OFIZIALean, udaletxeko iragarki taulan eta Aramaioko Udalaren webgunean argitaratuko da. (www.aramaio.org).

Epaimahai Kalifikatzailearen komunikazio eta jakinarazpen guztiak Aramaioko udaletxeko iragarki taulan eta Aramaioko Udalaren webgunean argitara emanez egingo dira (www.aramaio.org).

Gora

Seigarrena.- Epaimahai Kalifikatzailea.

Azterketako probak kalifikatuko dituen Epaimahaia kide titularrek eta ordezkoek osatuko dute. Hauen guztien izendapena Arabako ALDIZKARI OFIZIALean, udaletxeko iragarki taulan eta Aramaioko Udalaren webgunean egingo da. Ondorengo hauek osatuko dute

Epaimahaia:

Epaimahai-buru:

• Udalbatzarena edo honen aginduz zeregin hori hartuko duena Mahaikide:
• Zuiako Koadrilako gerente letratua edo honek eskuordetutako pertsona
• Arabako Foru Aldundiko teknikari bat
• Herri Arduralaritzaren Euskal Erakundearen ordezkari bat (HAEEIVAP).
• Udalbatzaren Idazkaria edo honek eskuordetutako pertsona, mahaikide izateaz gain idazkari lanetan arituko dena Herri Arduralaritzaren Euskal Erakundearen (HAEE-IVAP) beste ordezkari bat ere izendatuko da, euskarako probak egiteko Alderdi politiko bakoitzeko kide batek ere parte hartu ahal izango du hautaketa prozesua ikuskatzeko.

Hautespen-sistema osatuko duten probak eta/edo merezimenduak burutzea eta baliostea epaimahaiari dagokio. Epaimahaiak bere lanean aritzeko askatasun osoa izango du, jardunbidearen objetibotasunaren erantzule izango da, eta deialdiaren oinarriak betetzen direla ziurtatuko du.

Epaimahaia ezingo da osatu haren kideen erdia baino gehiago agertu ezean eta, nolanahi ere, hain izan beharko dute Epai - mahaiburuak eta Idazkariak. Erabakiak botoen gehiengoaren arabera hartuko dira eta, berdinketa gertatuko balitz, Epaimahaiburu lanetan ari denaren botoa izango da erabakigarria.

Epaimahaikideek ezingo dute parte hartu, eta hala adierazi beharko diote Alkate-Lehendakariari, eta izangaiek ere atzera bota ahal izango dituzte, indarrean den Herri Administrazioen Araubide Juridikoaren eta Administrazio Prozedura Erkidearen Legearen 28 eta 29 artikuluetan aurreikusitako egoeretakoren bat gertatzen denean. Epaimahaiak beren lanetarako aholkuari adituak elkarri ahal izango ditu, hautapen-sisteman osatzen duten proba guztietarako edo batzuetarako. Euren espezialitateetako aholkularitza eta lankidetza teknikoa eman baino ez dute egingo aholkulari horiek.

Epaimahaiak, deialdiaren oinarrietan aurreikusten ez diren atalei dagokienez, hautespen-sistema burutzeko beharrezko joko dituen neurriak hartu, eta oinarri horiek ulertu eta ezartzerakoan sortzen diren arazo guztiak erabaki ahal izango ditu.

Gora

Zazpigarrena.- Oposizio atala.

Ariketa bakoitzerako deialdi bakarra egingo zaie izengaiei, behar bezala justifikatu eta Epaimahaiak askatasun osoz aztertutako ezinbesteko arrazoi larriak izan ezik.

Epaimahaiak frogak egiteko era oinarri hauetan bertan aurreikusi ez den beste ordena batean eratu ahal izango ditu, baita zenbait froga egun berean egitea ere. Kasu horretan, aurrekoa gainditu dutenen froga bakoitza ebaluatuko luke bakarrik.

• Lehenengo ariketa: derrigorrezkoa eta baztertzailea.

Deialdiari dagokion eta erantsita doan gaitegian oinarritutako erantzun askoko test erako galdetegia erantzun beharko da idatziz, erantzun horietako bakarra izango delarik zuzena( I eta II eranskinak) Epaimahaiak zehaztuko du galdera kopurua, zuzen zein oker erantzundako galderen balioa, gaizki erantzundakoengatiko zigorra, probaren iraupena, etab.

Ariketa hau 20 puntu baloratuko da gehienez, eta kanporatua izango da gutxienez 10 puntu lortzen ez dituena.

• Bigarren ariketa: derrigorrezkoa eta baztertzailea.

II eranskinean espezifikaturiko gai zerrendako eduki osoa eta lanpostuaren funtzioekin erlazionaturikoak izango dira aztergai. Epaimahaiak proposatuko ditu gaiak eta ariketak 2 zati izango ditu: batetik, gai bat edo batzuk lantzea eta bigarrengo ariketa berriz, suposamendu praktiko bat edo batzuk ebaztea. Suposamendu praktiko bat edo batzuk egiterakoan izangaiek eurek eramaten dituzten legezko testuen erabilera egin ahal izango dute.

Ariketa hori baloratzeko honakoak hartuko dira kontuan, besteak beste: Prestakuntza orokorra, ideien argitasuna eta ordena, izengaiaren ekarpena eta idazkeraren egokitasuna.

Ariketa hau 20 puntu balioztatuko da gehienez. Ariketa hau gainditzeko 10 puntu lortu beharko dira gutxienez.

• Hirugarren ariketa: Derrigorrezkoa eta baztertzailea. 4 hizkuntza eskakizuna egiaztatzeko ariketa idatzia eta ahozkoa. Kalifikazioa Gai edo Ez Gai izango da.

Izengaiek Euskarazko 4 hizkuntza eskakizuna gainditzen dutela egiaztatzeko frogak egingo dira, eta ariketa horien edukia eta forma HAEE/IVAP ek zehaztuko ditu.

Ez dute ariketa hori egin beharko hizkuntza eskakizun hori apirilaren 15eko 86/1997 Dekretuaren 32 artikuluak (Euskal Herriko Agintaritzaren Aldizkaria 72 zk. Apirilaren 17koa), aurreikusitako eraren batean gainditu dutela egiaztatzen duten izengaiek.

Nolanahi ere, apirilaren 15eko 86/1997ko Dekretuak, Euskal Autonomia Erkidegoko Herri Administrazioetan euskararen erabilera normalizatzeko prozesua arautzen duenak, bere 43.2 artikuluan jasotzen duenari jarraituz, hainbat froga egingo dira 3 hizkuntza eskakizuna egiaztatzeko; izan ere, gerta daiteke, oposizioaldiko ariketak bukatutakoan, maila hori aplikatu behar izatea lanpostua betetzeko. Ondorioz, lehiakide batek ere, 4 hizkuntza eskakizuna egiaztatzen ez badu, lanpostu horri 3 hizkuntza eskakizuna ezarriko zaio, baina deialdi honetako lanpostua betetzeko baino ez da izango.

• Laugarren ariketa: derrigorrezko eta baztertzailea:

Plazaren profilari egokitzeko froga izango dira. Hainbat ariketa egin beharko dituzte izangaiek, lanpostuaren giza berezitasunetara, eskakizun teknikoetara eta betebeharreko eginkizunetara zer eta nola egokitzen diren neurtzeko, proba psiko-teknikoak, edo elkarrizketak edo biak egin behar izango dituzte izengaiek.

Ariketa hau derrigorrezkoa eta baztertzailea izango da eta gehienez 10 punturekin kalifikatuko da eta gainditzeko gutxienez 5 lortu beharko dira.

Gora

Zortzigarrena.- Lehiaketa.

Eskabidean adierazitako merituen egiaztagiriak eta eskabideak aurkezteko epean behar bezala egiaztaturikoak balioztatuko dira. Ondoren azaltzen diren merituak hartuko dira kontuan, eta era honetan balioztatuko dira:

a) Herri Administrazian Administrazio Orokorreko Teknikari gisa eskainitako zerbitzuak edo antzeko eginkizunak dituen lanpostu batean aritu izana; arlo horretan bitarteko funtzionari bezala aritu izana edo aldi baterako lanak ere balioztatuko dira. Laneko hilabete bakoitzeko 0,5 puntu balioztatuko dira, hilaren zatiak alde batera utziz edo baztertuz, 6 puntu arte gehienez.

Eskabideak aurkezteko epearen amaiera-dataren aurreko aldiak bakarrik kontabilizatuko dira.

Era berean ez dira balioztatuko behin behineko langile moduan aritu izana (Euskal Funtzio Publikoari buruzko Legeko 96.1 artikuluan jasotako), ez eta bekak eta ikasketetako praktikak ere.

b) Deituriko lanpostuaren edukiarekin zuzenean zerikusia duten trebakuntza edo hobekuntza ikastaroak, Unibertsitateek, trebakuntzako ikastegi ofizialek, eta erakunde ofizlaek emandakoak, 4 puntu gehinenez:

• 20-50 ordu arteko ikastaro bakoitzeko: 0,25 puntu.
• 51-100 ordu arteko ikastaro bakoitzeko: 0,50 puntu.
• 101-200 ordu arteko ikastaro bakoitzeko: 0,75 puntu.
• 201-300 ordu arteko ikastaro bakoitzeko: Puntu 1,00.
• 300 ordutik gorako ikastaro bakoitzeko: 1,50 puntu.

Atal honetan ez dira balioztagai izango informatikarekin loturiko trebakuntza edo hobekuntza ikastaroak.

Gora

Bederatzigarrena.- Ariketen kalifikazio eta lehiaketa gainditu dutenen zerrenda.

Oposizioldia eta lehiaketa amaitu ondoren, epaimahaiak oposiziolehiaketa gainditu duten izangaien zerrenga emango du jakitera, ariketa bakoitzean izangaiek loturtako puntuak eta azken emaitza argitara emanez eta azken emaitzaren araberako hurrenkeran jarrita.

Oposizio-lehiaketa sailkapenaren hurrenkera oposizioaldian eta lehiaketan lortutako puntuen baturak emango du. Oposaketa-lehiaketaren azken kalifikazioak zehaztuko du izangaien lehentasun-ordena.

Ados kasuren bat emanez gero, puntuazioen batura Oposaketa fasean kalifikaziorik altuena lortu duenaren aldera erabakiko da. Epaimahai Kalifikatzaileak Aramaioko udaletxeko iragarki taulan eta web orrian (www.aramaio.org) argitaratuko ditu jardunbide hautatzailea gainditu duten izengaien zerrenda eta Alkatetzara helaraziko du puntu gehien lortzen duen izengaia praktiketako funtzionario izendatzeko proposamenarekin.

Oposizioaldiko ariketa guztiak gainditu eta deitutako lanpostu kopurua gainditzen duten izangaiek lan-poltsa eratuko dute, lortutako puntuen arabera.

Aiptutako zerrenda horretan, eta puntuazio ordenean, lan-poltsa hori aldi baterako lan premiak betetzeko erabiliko da, beste oposaketa lehiaketa berri bat egin bitartean, lehenengo oinarrian ezarritakoaren arabera.

Gora

Hamargarrena.- Agiriak aurkeztea

Hautatua izan den izangaiak 15 eguneko epea izango du, hautespen prozesuaren emaitzak argitaratu ondoreneko egunetik hasita, oposizio-lehiaketan parte hartzeko eskatutako baldintza eta betebeharrak badituela frogatzeko, eta ondorengo dokumentuak aurkeztu beharko ditu Idazkaritzan:

a) Eskabidearekin batera aurkeztutako agirien jatorrizko aleak. Aurkeztutako fotokopiekin erkatu ondoren, jatorrizkoak itzuli egingo zaizkio izangaiari.

b) Kargu publikoak betetzeko ezgaitua ez dagoenaren edota Herri Administrazioaren baten zerbitzutik diziplina-espedienteren baten ondorioz baztertua ez egotearen zinpeko aitorpena. Aurreko atalean jarritako epea amaiatu baino lehen, izangaiak dagokion sendagile-azterketa egin beharko du, Aramaioko Udalak adierazitako eran eta moduan, hirugarren oinarriko e) betebeharrarekin betetzen duela egiaztatzeko.

Hautatauko izengaiak ez balu 15 eguneko epea bukatu baino lehen, ezinbesteko kasua izan ezik, dokumentazioa aurkeztuko edo aurkeztu dituen agiriak aztertu ondoren ikusiko balitz eskatutako baldintza edo betebeharren bat ez duela betetzen, ezin izango da praktikatako funtzionario izendatua izan eta izendatua izateko izan ditzaken eskubideak galduko ditu. Horrelakoren bat gertatuko balitz, baliogabetze horren ondorioz behin betiko sailkapen-zerrendan hurrengo postuan datorrena jarriko da haren ordez, zerrendatzeordenari jarraituz, hutsik gelditutako plaza bete arte.

Gora

Hamaikagarrena.- Praktiketako funtzionario izendatzea.

Aipaturiko dokumentazioa aurkezteko epea igarotakoan, eta berariazko baldintzak betetakoan, izangaia praktiketako funtzionario gisa izendatuko da.

Izendapena interesatuari jakinaraziko zaio eta Aramaioko Udaren webgunean (www.aramaio.org), udaletxeko iragarki taulan eta Arabako ALDIZKARI OFIZIALean argitaratuko da.

Gora

Hamabigarrena.- Praktika aldia.

Aramaioko Udaleko Alkateak, Euskal Funtzio Publikoaren uztailaren 6ko 6/1989 Legeko 28 artikuluaren arabera, praktikatako funtzionario izendatuko du Epaimahaiak proposatutako izangaia, oinarri hauetan eskatutako betebeharrak agiri bidez egiaztatu eta gero. Lanpostu honetarako praktikaldia hamabi hilabetekoa izango da.

Epaimahaiak ebaluatuko ditu proposatutako izengaiaren gaitasun eta ahalmenak. Praktika-epealdiaren hasieran, funtzionarioak bete beharreko helburuak zehaztuko dira. Helburu hauek egiaztatzeari begira jarriko dira:

a) Izengaiaren gaitasuna hurrengo arlo hauetan:

• Lanerako gaitasuna eta errendimendu profesionala
• Ardura eta efizientzia
• Ikasteko gogoa, prestutasuna eta ekimena

b) Izengaiaren gaitasuna hurrengo arlo hauetan:

• Lan taldean txertatzeko egokitasuna
• Barne eta kanpoko harremanen egokitasuna

Praktikatako funtzionarioren ebaluaketa egiteko prozedura. Lanpostua hartu ondoren, praktikatako funtzionarioari bete behar dituen helburuen berri emango zaio, praktikaldiaren hasieran. Praktika epealdia amaitu ondoren, horretarako izendatutako tutoreak praktikatako funtzionarioaren gaineko txosten bat bidaliko dio, Epaimahaiari.

Txostena aurkakoa bada, haren berri emango zaio praktikatako funtzionarioari, helburuak ez bete izanaren arrazoiak azaltzeko aukera izan dezan, eta Epaimahaiaren bilera baino lehen egin beharko dira azalpen horiek.

Jakinarazpenik ez badago, txostena bere aldekoa den seinale izango da.

Epaimahaiak Alkateari helaraziko dio dagokion proposamena.

Gora

Hamahirugarrena.- Karrerako funtzionario izendatzea

Praktika epealdia amaitu ondoren, hautagaia karrerako fun - tzionario izendatuko da.

Izendapena bi hilabeteko epean egingo da gehienez ere, eta Arabako ALDIZKARI OFIZIALean eta Aramaioko Udalaren webgunean argitaratuko da.

Izendapen hori Arabako ALDIZKARI OFIZIALean argitaratzen den egunaren biharamunetik hasi eta hilabeteko epean, izendatutako pertsonak lanpostua jabetzen hartu beharko du. Hala egingo ez balu, eta tartean ezinbesteko arrazoi larririk ez balego, eraginik gabe geratuko dira egindako jarduera guztiak eta karrerako funtzionario izateko izan ditzakeen eskubide guztiak galduko ditu. Lanpostuaz jabetzeko eginbidean, ohiko atalez gain, Ad - ministrazioaren zerbitzuan diharduten langileen bateraezintasunei buruzko apirilaren 30eko 598/85 Errege Dekretuaren 13 artikuluan eskatzen diren aitorpenak ere jaso beharko dira. Arrazoirik gabe, ezarritako epean lanpostua jabetzan hartuko ez duenak lanpostuari uko egin diola ulertuko da.

Gora

Hamalaugarrena.- Gorabeherak.

Epaimahaiak ahalmena du, hautaketa prozesua behar bezala burutu dadin, Oinarrietan jaso gabeko guztiaz sor daitezkeen zalantza eta gorabeherak erabakitzeko eta beharrezkoak diren erabakiak hartzeko.

Gora

Hamabostgarrena.- Gora jotzeak.

Honako deialdi hau, honen Oinarriak eta hauetatik eta Epai - mahaiaren jardueratik sortzen diren egintza administratibo guztiak inpugnatu ahal izango dira, indarrean den Herri Administrazioen Araubideari eta Administrazio Jardunbideari buruzko azaroaren 26ko 30/1992 Legean aurreikusiak dauden forma eta epeetan.

Gora

I. eranskina

GAI OROKORRAK

1. gaia.- Konstituzio zuzenbidea. 1978ko Konstituzioa eta prin - tzipioak. Botere banaketa eta parte-hartze politikoa.

2. gaia. Espainiako Estatua, estatu konposatua. Konstituzioaren erreforma. Erreforma prozedurak zuzenbide konparatzailean.

3. gaia. Gobernua. Osaketa, izendapena eta uztea. Gober - nuburua. Ministroak. Gobernuaren eginkizunak: arau emailea, politikoa eta administratiboa.

4. gaia. Gorte Nagusiak. Kongresua. Senatua. Ganbaren arteko harremana. Diputazio iraunkorrak. Gorteen eginkizunak: legegilea; eginkizun hori betetzea, ekimena eta tramitatzea.

5. gaia. Botere judiziala. Epailetzaren independentzia eta jarduketak. Botere Judizialaren Kontseilu Nagusia. Gainerako organoak.

6. gaia. Autonomia erkidegoak: izaera. Autonomia estatutuak: izaera eta edukia. Euskal Autonomia Erkidegoko Estatutua: Euskal Autonomia Erkidegoaren izaera, edukia, eskumenak eta botereak.

7. gaia. Estatuaren eta autonomia erkidegoen eskumenak. Estatuaren eskumenak. Autonomia erkidegoen eskumenak. Eskumen esklusiboak, konpartituak, konkurrenteak, garapenezkoak eta bete - tzekoak. Eskumenak eskualdatzea: eskualdaketa dekretuak.

8. gaia. Botere antolaketa Euskal Autonomia Erkidegoan. Eusko Legebiltzarra. Lehendakaria. Eusko Jaurlaritza. Euskal Administrazio Autonomoa.

9. gaia. Herri Kontuen Euskal Auzitegia. Arartekoa. Euskadiko justiziako auzitegiak.

10. gaia. Arabako Foru Aldundia. Aurrekariak eta gaur egungo konfigurazioa. Osaketa eta eskumenak. Diputatu nagusia. Foru diputatuak.

Eskumenak. Arabako Lurralde Historikoaren erakunde-antolaketari buruzko 1983ko martxoaren 7ko Foru Araua.

11. gaia. Batzar Nagusiak: aurrekariak eta gaur egungo konfigurazioa.

Funtzionamendua eta eskumenak. Batzarkideak: hautaketa eta eskumenak. Batzar Nagusietako lehendakaria. Arabako Batzar Nagusien Jarduerarako Araudiari buruzko 1984ko abenduaren 20ko Foru Araua.

12. gaia. 27/83 Legea, azaroaren 25ekoa, Autonomia Erkidego Osoko Erakundeen eta Bertako Lurralde Historikoetako Foru Erakundeen Arteko Harremanei buruzkoa. Aurrekariak, printzipioak, egitura eta edukia.

13. gaia. Udalerria. kontzeptu eta osagaia. Udal barrutia. Udal plantaren arazoa. Udal barrutien aldaketak. Oinarrizko legeria eta autonomi erkidegoetako legeria. Udal biztanleak. Biztanle errolda. Auzokideen estatutua. Atzerritarren eskubideak.

14. gaia. Konstituziokontrakotasuna deklaratzeko prozedurak. Konstituziokontrakotasuneko errekurtsoa. Konstituzio kontrako - tasuneko gaiak.

15. gaia. Konstituzioaren babes eskeko errekurtsoa. Erre - kurtsoaren tramitazioa. Babes epaiak eta haien ondorioak.

16. gaia. Konstituzioaren autonomia erkidegoekiko gatazkak: positiboak eta negatiboak. Autonomia erkidegoetako xedapen eta ebazpenen aurka egitea. Tokiko autonomia defendatzeagatik sortutako gatazkak.

17. gaia. Eurkararen arautzea Konstituzioan eta Autonomia Estatutuan. 1982ko azaroaren 24ko 10/82 Legea, Euskararen erabilpena arauzkotzeko oinarrizkoa.

18. gaia. Administrazio publikoen Ogasuna. Baliabideen bana keta.

Ekonomia Ituna.

Gora

II. eranskina

BERARIAZKO GAIAK

A.- Administrazio prozedura

1. gaia.- Administrazio Zuzenbidearen iturriak. Araudia: Arauak egiteko boterearen titularitatea. Araudiaren eremu materiala. Araudiak lantzeko prozedura. Araudiaren eragingarritasuna. Legez kanpoko araudien kontrola eta baliogabetzearen ondorioak.

2. gaia.- Administrazio egintza. Kontzeptua. Osagaiak. Motak. Betekizunak: zioa eta forma.

3. gaia.- Administrazio egintzen eragingarritasuna. Aitormenezko autotutoretzaren printzipioa. Baldintzak. Jakinerazpenak: edukia, epea, egitea. Jakinerazpen akastuna. Argitalpena, beste administrazio baten onarpena. Atzerapena eta eraginkortasunaren atzera indarra.

4. gaia.- Administrazio egintza baliogabetzea. Erabateko deuseztasuna eta deuseztagarritasuna. Administrazio egintzaren kontserbazio printzipioa. Administrazioak berak eginiko egintza eta xedapenak berraztertzea. Deuseztasuna, jardunbidea, mugak. Kaltegarritzat aitortzea. Egintzak ezeztatzea. Akats materialak edo egintzakoak zuzentzea.

5. gaia.- Administrazio jardunbideei eta jardunbideak arautzeko arauei buruzko xedapen orokorrak. Jardunbidean dauden interesdun motak. Herritarren eskubideak.

6. gaia.- Jardunbidearen hasiera. Eskabide motak, eskabideak zuzendu eta hobetzea. Eskabideak, idazkiak eta komunikazioak aurkeztea. Administrazioko erregistroak. Zehaztapenak eta epeak. Nola zenbatu, luzatu eta premiazko izapideak egitea. Antolamendua. Instrukzioa. Interesdunek esku hartzea, frogak eta txostenak.

7. gaia.- Prozeduraren amaiera. Erabakitzeko derrigortasuna. Berariazko erabakiaren edukia: kongruentzia eta hasierako egoera ez larriagotzearen printzipioa. Berariazko erabakirik eza:

Administrazioaren isiltasuna. Hitzarmenezko amaiera. Atzera egitea eta uko egitea. Iraungitzea.

8. gaia.- Administrazioaren derrigortze ahalmena. Autotutoretza betearazlearen printzipioa. Administrazio egintzak nahitaez betearaztea.

Bitartekoak eta erabilera printzipioak. Administrazioaren zuzeneko derrigortzeko ahalmena. Egitatezko bidea.

9. gaia.- Administrazioko errekurtsoak. Oinarri orokorrak. Administrazioko errekurtsoa eragin dezaketen egintzak. Adminis - trazioko errekurtsoak izapidetzeko arau orokorrak. Errekurtso motak. Beste bide batzuetatik (zibiletik eta lan esparrutik) jo aurreko administrazioko erreklamazioak. Erreklamazio ekonomiko-administratiboak.

Administrazioko errekurtsoen ordezko jardunbideak. Kontziliazioa, bitartekaritza eta arbitrajea.

10. gaia.- Administrazio Auzietarako jurisdikzioa. Izaera, hedadura eta mugak. Jurisdikzioaren organoak eta eskumenak. Alderdiak. Legitimazioa. Administrazioarekiko auzi errekurtsoaren xedea.

11. gaia.- Zigortzeko ahalmena. Kontzeptua eta esanahia. Zigortzeko ahalmenaren printzipioak. Zigortzeko jardunbidea eta bermeak. Administrazioak zigortzeko dituen neurriak.

12.- Administrazio publikoaren erantzukizuna. Ezaugarriak. Erantzukizunaren kasuak. Ordaina merezi duten kalteak. Admi - nistrazioaren egintza eta jardunbidea erantzukizun kontuetan. Agintarien eta herri administrazioetako langileen ondare erantzukizuna.

13. gaia.- Ondare erantzukizun arloan herri administrazioetako prozeduren erregelamendua onartzen duen martxoaren 26ko 429/1993 Errege Dekretuaren prozedura orokorra.

14. gaia.- Ondare erantzukizun arloan herri administrazioetako prozeduren erregelamendua onartzen duen martxoaren 26ko 429/1993 Errege Dekretuaren prozedura laburtua.

15. gaia.- Zerbitzuak emateko administrazio jarduera. Ekonomi ekimen publikoa eta zerbitzuak. Zerbitzu publikoa. Kontzeptua. Eboluzioa eta krisia. Zerbitzu publikoak kudeatzeko moduak. Zuzeneko kudeaketa. Zeharkako kudeaketa.

16. gaia.- Administrazio jardueraren bestelako formak. Poliziaren jarduera: administrazio baimena. Segurtasun publikoaren polizia. Sustapen jarduera: teknikak.

17. gaia.- Jabetza publikoak: tipologia. Jabari publikoa, kon - tzeptua, izaera eta osagaiak. Atxikipena eta jabari aldaketak. Jabari publikoaren eraentza juridikoa. Erabilera: erreserba eta ematea.

18. gaia.- Nahitaezko desjabetzea. Subjektuak, objektua eta arrazoia. Jardunbide orokorra. Berme jurisdikzionalak. Desjabetzeak lehengoratzea. Presako izapideak. Prozedura bereziak.

B.- Kontratazioa

1. gaia.- Administrazio publikoen kontratuak. Kontratu administratiboak eta zuzenbide pribatukoak bereizteko irizpideak; egintza bereizgarriak. Indarrean dagoen legeria. Aplikazio eremua. Administrazio publikoen kontratu guztietan berdinak diren xedapenak. Horrelakoak egiteko organo eskudunak.

2. gaia.- Administrazio publikoen kontratuen eraentza juridikoa: Administrazio kontratu ohikoak, bereziak eta pribatuak. Kontratuen ezaugarriak: obra kontratuak, zerbitzu publikoenak, hornidura eta aholkularitzakoak, laguntzakoak eta zerbitzukoak. Kontratatzen duen administrazioa: Kontratuen Legearen barruko eta berorrez kanpoko erakundeak; kontratazio organoa. Kontratugilea: ahalmena, kaudimena, debekuak, sailkapena.

3. gaia.- Enpresen sailkapen eta erregistroa. Administrazioarekiko kontratuetarako beharrezko bermeak.

4. gaia.- Kontratazioari buruzko jarduketak. Administrazio klausulen eta baldintza teknikoen agiriak; Kontratuen perfektutasuna eta formalizazioa.

5. gaia.- Administrazioaren eskubideak; kontratuen baliogabetasuna; kontratazio espedienteak prestatzeko eta tramitatzeko administrazio jarduketak.

6. gaia.- Kontratuak esleitzea. Esleipen prozedura eta formak. Kontratuak gauzatu eta aldatzea.

7. gaia.- Prezioak berrikustea. Kontratuak amaitzea. Kontratuen lagapena eta azpikontratazioa. Kontratuen Erregistro Publikoa.

8. gaia.- Obra kontratua. Xedapen orokorrak; gauzatzea eta aldatzea, amaitzea; Administrazioak berak obrak gauzatzea.

9. gaia.- Zerbitzu publikoak kudeatzeko kontratua. Xedapen orokorrak; prestatzeko administrazio jarduketak; esleitzeko prozedurak eta formak; gauzatzea eta aldatzea; ondorioak eta amaiera; azpikontratazioa.

10. gaia.- Hornidura kontratua. Xedapen orokorrak, esleitzeko prozedurak eta formak; kontratatzeko arau bereziak; gauzatzea eta aldatzea; amaitzea; ondasun higigarriak fabrikatzea.

11. gaia.- Aholkularitza eta laguntza kontratua. Xedapen oro - korrak; prestatzeko administrazio jarduketak; esleitzeko prozedura eta forma; gauzatzea eta aldatzea; betetzea eta amaitzea. Proiektuak lantzeko kontratu motak.

12. gaia.- Obra publikoak emateko kontratua. Xedapen orokorrak. Aurretiko administrazio jarduketak. Emakida hartzailearen eskubideak eta betebeharrak. Finantzaketa.

C.- Toki administrazioa

1. gaia.- Toki Erregimena. Esangura eta eboluzio historikoa. Toki administrazioa Konstituzioan. Toki autonomiaren Europar Gutuna. Toki autonomiaren printzipioa; esangura, edukia eta mugak. Toki erakundeen motak.

2. gaia.- Toki administrazio zuzenbidearen iturriak. Estatuaren oinarrizko legeria eta autonomi erkidegoen araudia toki erregimenaren inguruan. Sektore legeriak toki erregimenean duen eragina.

3. gaia.- Toki erakundeen arauak egiteko ahalmena: arautegiak eta ordenantzak. Lantze prozedura. Arautegi organikoa. Bandoak.

4. gaia.- Udalerria: Kontzeptua eta osagaiak. Udal barrutia: Udal plantaren arazoa. Udal barrutiak aldatzea. Oinarrizko legeria eta autonomi erkidegoetako legeria. Udal biztanleak. Auzokideen parte hartzea. Atzerritarren eskubideak.

5. gaia.- Udal antolakuntza. Organo beharrezkoak eta osagarriak. Alkatea, alkateordea, osoko bilkura, gobernu batzordea eta informazio batzordeak. Bestelako organoak. Talde politikoak. Auzokideen parte hartzea udal kudeaketan. Kontzeju irekia. Bestelako eraentza bereziak.

6. gaia.- Alkatea. Eskumenak. Alkateordeak. Udala modu deskontzentratuan kudeatzeko pertsona bakarreko bestelako organoak: alkatearekiko harremanak. Alkatearen jardueraren eraentza juridikoa, baliabideak eta erantzukizuna.

7. gaia.- Udalbatza: osaera eta eskumenak. Gobernu batzordea: osaketa, izendapena eta eskumenak. Informazio batzordeak: motak, osaketa, izendapena eta eskumenak.

8. gaia.- Toki korporazioen bilkura eta erabakien eraentza. Arauak. Bilerak. Motak, betekizunak eta eratze eta egite prozedurak.

9. gaia.- Toki korporazioen erabakiak. Erabaki motak eta formak. Bozketa sistema, eta gehiengoen konputua. Idazkari eta kontu har - tzailearen txostenak. Erabakien aktak, ziurtapenak, komunikazioak, jakinarazpenak eta argitalpenak. Dokumentuak erregistratzea.

10. gaia.- Tokiko hauteskunde sistema. Hautagaia izateko debekuaren zioak eta bateraezintasunak. Zinegotziak eta alkatea hautatzea.

11. gaia.- Zentsura mozioa eta konfiantzazko mozioa udal eremuan. Hauteskunde auzietako errekurtsoa. Toki korporazioen hautatutako kideen estatutua.

12. gaia.- Udal eskumenak. Zehazteko sistema. Eskumen propioak, elkarbanatuak eta eskuordetuak. Gutxienezko zerbitzuak. Zerbitzu erreserba.

13. gaia.- Toki erakundeen jarduera formak. Jarduketa pribatuaren tokiko administrazio esku-hartzea. Administrazio baimenak eta eskuespenak. Motak. Toki eremua sustatzeko jarduera.

14. gaia.- Toki erakundeen ekonomi ekimen publikoa eta zerbitzu erreserba. Zerbitzu publikoa toki erakundeetan. Kudeaketa erak. Zerbitzuak ematea eta tokiko enpresa publikoa. Partzuergoa.

15. gaia.- Toki erakundeen ondasunak. Motak. Jabari publikoaren ondasunak. Ondare ondasunak. Toki erakundeen eskubideak eta ahalmenak euren ondasunei dagokienez. Herri ondasunak. Inbentarioa.

D.- Finantza alorra

1. gaia.- Ekonomi Itunaren 13/1981 Legea. Zerga itunduak eta ez itunduak.

2. gaia.- Arabako Aurrekontuen Araubide Ekonomikoari buruzko abenduaren 18ko 53/1992 Foru Araua. Erakunde antolakuntza. Foru Ogasuna: eskubide eta betebeharrak. Lurralde Historikoaren aurrekontu orokorrak.

3. gaia.- 3. 6/2005 Foru Araua, otsailaren 28koa, Arabako Lurralde Historikoaren Zergei buruzkoa. Oinarri orokorrak. Zerga arauak. Zergak: motak, zerga egitatea. Subjektu pasiboa. Oinarria. Zerga zorra.

4. gaia.- 39/1988 Legea, abenduaren 28koa, Toki Ogasunak arautzen dituena. Apirilaren 20ko 500/90 Errege Dekretua.

5. gaia.- Arabako Lurralde Historikoaren Toki Ogasunak arautzen dituen 41/1989 Foru Araua, uztailaren 19koa.

6. gaia.- Toki erakundeen aurrekontu orokorra. Aurrekontuaren egitura. Landu, onartu, gauzatu eta likidatzea. Aurrekontua gauzatzeko oinarria. Aurrekontua luzatzea.

7. gaia.- Kreditua aldatzea: kontzeptua, motak eta tramitazioa.

8. gaia.- Toki erakundeen kontabilitatea. Kontrol eta fiskalizazioa.

9. gaia.- Toki ogasunen baliabideak. Zerrendatzea. Udalerrien baliabideak. Zuzenbide pribatuko sarrerak.

10. gaia.- Toki zergak: Printzipioak. Zergen inguruko arautegiak egiteko toki erakundeen ahalmena: Zerga ordenantzak, xedeak, ezaugarriak, tramitazioa. Zergak ezarri eta antolatzeko egintzak aurkaratzeko eraentza.

11. gaia.- Udal zergak: Ondasun higiezinen gaineko zerga; jarduera ekonomikoen gaineko zerga; trakzio mekaniko ibilgailuen gaineko zerga; eraikuntza, instalazio eta obren gaineko zerga; hiri lurren balio gehikuntzaren gaineko zerga.

12. gaia.- Tasak. Zerga bereziak. Prezio publikoak. Kreditu eragiketak.

E.- Giza baliabideak

1. gaia.- Tokiko funtzio publikoa: Funtzionario motak. Lan itunpeko eta aldi baterako langileak. Gaikuntza nazionaleko funtzionarioak: kategoriak eta eskumenak. Hautaketa eta prestakuntza. Mende - kotasun organikoa eta funtzionala. Eraentza juridikoaren ezaugarriak.

2. gaia.- Funtzio publikoaren egitura eta antolakuntza. Lanpos - tuen zerrenda. Aurrekontuko langile zerrenda. Enplegu publikoaren eskaintza.

3. gaia.- Funtzionarioen eskubide eta betebeharrak. Bitarteko funtzionarioak, gaikuntza nazionaleko funtzionarioak. Toki erakundeen lan itunpeko eta aldi baterako langileak. Bateraezintasun eraentza. Toki funtzionarioen administrazio erantzukizuna. Diziplina araubidea. Toki agintari eta funtzionarioen erantzukizun zibil eta zigor erantzukizuna.

4. gaia.- Administrazio publikoaren giza baliabideen antolakuntza. Enplegu planak, giza baliabideak arrazionalizatzeko programak.

5. gaia.- Euskal administrazio publikoen funtzionarioak. Fun - tzionarioa izateari ekin eta uztea.

6. gaia.- Funtzionario kidegoak. Administrazio karrera. Barne sustapena. Mugikortasuna.

7. gaia.- Euskal administrazio publikoen funtzionarioen administrazio egoerak.

8. gaia.- Euskal Administrazio Publikoan lanpostua betetzea. Lege prozedura eta eraentza.

9. gaia.- Ekonomi eskubideak. Ordainsariak Administrazio publikoan.

10. gaia.- Funtzionario publikoen bateraezintasunak.

11. gaia.- Langileen Estatutua eta arau osagarriak.

12. gaia.- Lan kontratuen motak. Aldi baterako lan kontratua.

13. gaia.- Lan kontratua aldatu, eten eta amaitzea.

14. gaia.- Langileen falta eta zigorrak.

15. gaia.- Laneko arau hausteak.

16. gaia.- Lanaldia. Lansaioa, egutegia. Aparteko orduak.

17. gaia.- Laneko arriskuen prebentzioari buruzko Legea.

Enpresaburuaren betebeharrak eta erantzukizuna, prebentzioari dagokionez.

18. gaia.- Toki korporazioen funtzionarioak. Eraentza juridikoaren ezaugarriak. Askatasun politikoak eta sindikalak toki funtzio publikoan. Toki korporazioen langile ez funtzionarioak. Motak eta eraentza juridikoa.

19. gaia.- Negoziazio kolektiboa. Administrazio publikoaren teknikak eta berezitasunak.

20. gaia.- Laneko hitzarmen kolektiboa. Kontzeptua eta izaera. Hitzarmen kolektiboaren ondorioak. Betebehar eta arauzko edukia.

Gora