Zuiako Koadrilarako Euskara teknikaria kontratatzeko deialdia

ZUIAKO KOADRILAK pertsona bat aukeratuko du 2009ko abenduaren 31ra arte obra edo zerbitzu kontratu mugatuaren bidez EUSKARA TEKNIKARI zereginak gauzatzeko.

1.- Hautagaiek bete beharreko baldintzak: Lanpostu horretarako hautagaiak izan nahi duten pertsonek, deialdia arautzen duten oinarrietan adierazitako baldintza orokorrak betetzeaz gain, honako betekizun espezifiko hauek izango dituzte:

• Gutxienezko titulua: diplomatura.
• Baliabide informatikoak menperatzea (Word, Excel, Internet, etab).
• Euskara maila: 3. hizkuntza eskakizuna edo baliokidea.
• Gidabaimena eta ibilgailua

Antzeko zereginetako esperientzia aintzat hartuko da (ez da ezinbestekoa).

2.- Eskaerak aurkeztea: Eskabideak Zuiako Koadrilako Erregistro Orokorrean aurkeztuko dira 2009ko ekainaren 30eko (asteartea) eguerdiko 14:30ak arte, eta oinarrietan adierazitako agiriak erantsi beharko dira.

Informazio gehiago nahi izanez gero, deitu Koadrilako telefono zenbakira: 945 43 01 67.

Lehiaketa arautuko duten oinarriak.