Heldu da Aramaiora Hala Bedi irratia

Arabako Hala Bedi irratia Aramaion dagoeneko entzun daiteke FM-ko 107.4an. Hemendik aurrera Aramaioko berriak Suelta La Olla eta Zebra Bidea magazinetan entzuteko aukera izango dugu bertako korrespontsalei esker.

Irratiaren aurkezpenaren ondoren bazkide (Halabelarri) kanpaina abiaraziko da, haraneko emisio gastuak ordaintzen joateko. Herriko udaletxean bazkide egiteko txartel eta buzoia ipiniko da epe laburrean. Bestela halabedi.org –en ere Halabelarri egin daiteke.

Hala Bediren aurkezpena egiteko EKAINAren 19an, ostirala, Aramaion hau antolatu da:

• 19:00etan Herriko Plazan: BERTSO POTEOA Xabi Igoa, Jokin Labaiyen, Andere Arriolabengoa, Iker Agirre eta Manex Agirre bertsolariekin.
• 21:30etan LUNCH-a Zubiondo elkartean.